Англия чемпионатида 37-тур ўйинлари бошланди, Лондоннинг "Челси" клуби "Манчестер Юнайтед"ни минимал ҳисобда мағлуб этди. "МЮ"нинг португалиялик устози Рубен Аморим бўлиб ўтган ўйин натижалари ҳақида фикр билдирди.
"Ўйлашимча, ўйинни яхши бошладик, аммо майдоннинг сўнгги учинчи қисмида янада тажовузкор бўлишимиз керак эди. Биз у ерга яқинлашдик, темпни ушлаб турдик, ҳаммаси тўғри эди, лекин сал омадимиз келмай қолди. Баъзида прессинг қилиб, гол ургинг келади, лекин бунинг ўрнига концентрацияни йўқотасан. Ютқазиш ҳар доим ёқимсиз," - дея Аморимнинг сўзларини келтиради BBC Sport.
