Amerikaning Nevada shtati Las-Vegas shahrida bo‘lib o‘tgan navbatdagi UFC Fight Night turniri doirasida o‘zbekistonlik aralash jang san’ati ustasi Nursulton Ro‘ziboyev navbatdagi jangini o‘tkazdi. U mazkur kechada amerikalik tajribali sportchi Dastin Shtolsfusga qarshi oktagonga ko‘tarildi.
Uch raundga mo‘ljallangan jang to‘liq davom etdi. Har ikki sportchi ham jiddiy qarshilik ko‘rsatdi. Shunga qaramay, Ro‘ziboyev jang davomida faolroq harakat qildi, zarbalar soni ham, aniqligi ham yaxshi raqibdan yaxshiroq bo‘ldi. Natijada hakamlar bir ovozdan g‘alabani o‘zbekistonlik MMA ustasiga berdi.
Bu Nursulton Ro‘ziboyev uchun UFC’dagi beshinchi jang hisoblanadi. U bungacha 4 marta oktagonga chiqib, 3 ta g‘alaba hamda 1 marta esa mag‘lubiyat qayd etgan edi.
