"Bavariya" hujumchisi Xarri Keyn nemis tilini o‘rganishda qanday yutuqlarga erishgani haqida so‘zladi.
Ingliz futbolchi Myunxen klubida ikkinchi mavsumni o‘tkazmoqda. 2023 yil yozida Bundesliga grandi uni "Tottenxem"dan sotib olgan edi.
"Afsuski, hali nemis tilida erkin gapira olishdan ancha uzoqman, shu sababli darslarni davom ettiryapman. Asta-sekin ko‘proq narsani tushuna boshladim, garchi bu juda qiyin bo‘lsa-da. Hozircha nemis tilida gaplashishdan o‘zimni tiyishni ma’qul ko‘raman - balki kelasi yil buning uddasidan chiqarman," - dedi 31 yoshli hujumchi ITV'ga bergan intervyusida.













