"Liverpul" Milosh Kerkez transferi ustida ishlamoqda.

Fabrisio Romanoning yozishicha, mersisaydliklar "Bornmut" bilan bog‘lanib, ehtimoliy transfer masalasini muhokama qilishgan. Bitim summasi bo‘yicha muzokaralar davom etmoqda.

Shuningdek, "qizillar" futbolchi bilan shaxsiy shartnoma shartlarini kelishib olishga yaqin turibdi.

Jurnalist Ben Jeykobsning qo‘shimcha qilishicha, futbolchining o‘zi "Liverpul"ga o‘tishni istamoqda. "Bornmut" uning transferi uchun 40 million funtdan ko‘proq pul olmoqchi. Rasmiy takliflar hali bo‘lmadi, lekin bu tez orada o‘zgarishi mumkin.

APLning joriy mavsumida 21 yoshli futbolchi 36 ta o‘yinda maydonga tushib, 2 ta gol va 5 ta golli uzatmaga mualliflik qildi.