"Ливерпуль" Милош Керкез трансфери устида ишламоқда.
Фабрицио Романонинг ёзишича, мерсисайдликлар "Борнмут" билан боғланиб, эҳтимолий трансфер масаласини муҳокама қилишган. Битим суммаси бўйича музокаралар давом этмоқда.
Шунингдек, "қизиллар" футболчи билан шахсий шартнома шартларини келишиб олишга яқин турибди.
Журналист Бен Жейкобснинг қўшимча қилишича, футболчининг ўзи "Ливерпуль"га ўтишни истамоқда. "Борнмут" унинг трансфери учун 40 миллион фунтдан кўпроқ пул олмоқчи. Расмий таклифлар ҳали бўлмади, лекин бу тез орада ўзгариши мумкин.
АПЛнинг жорий мавсумида 21 ёшли футболчи 36 та ўйинда майдонга тушиб, 2 та гол ва 5 та голли узатмага муаллифлик қилди.
