35 kunlik mashaqqatli sayohati bilan britaniyalik sportchi Avstraliya bo‘ylab yugurish bo‘yicha jahon rekordini yangiladi, deb yozdi BBC.

Bir yo‘la jami 3800 km masofani bosib o‘tgan 31 yoshli Uilyam Guj bunday marafonlar turkumini onasi Amanda 2018 yil saratondan vafot etgach boshlagan. Chopag‘on shu tariqa Buyuk Britaniya, AQSH va Avstraliyadagi mash’um kasallikka qarshi xayriya tashkilotlari uchun katta miqdorda pul yig‘ishga erishdi. 

Guj marra chizig‘ini kesib o‘tgandan so‘ng mahalliy ommaviy axborot vositalariga bergan intervyusida yugurishni “tugamaydigan dahshatli tush” deya ta’riflab, mislsiz sabr-toqatli odamgina bu sarobni yengib o‘ta olishini ta’kidladi.