"Chelsi" "Real" hujumchisi Rodrigo Goesga qiziqish bildirmoqda va yozgi transferlar oynasi ochilganidan keyin uni o‘z safiga qo‘shib olish haqida o‘ylamoqda, deb yozadi Goal.

Hozircha "Chelsi" "Real" bilan rasmiy muzokaralarni boshlamagan, ammo 24 yoshli futbolchining vakillari bilan aloqaga chiqqan.

Avvalroq, OAVda Rodrigo jamoadagi rolidan norozi ekani va "Qirollik klubi"dan ketish haqida o‘ylayotgani haqida xabarlar tarqalgan edi.

Rodrigo joriy mavsum barcha turnirlar doirasida 50 ta o‘yinda maydonga tushib, 13 ta gol urdi va 10 ta golli uzatmani amalga oshirdi.