"Monako" vingeri Magnes Akliush "Liverpul" e’tiboriga tushib qoldi.
Angliya grandi 23 yoshli futbolchining transferi bo‘yicha dastlabki muzokaralarni boshladi, deb xabar bermoqda jurnalist Loik Tanzi. Avvalroq, fransiyalik futbolchiga "Manchester Siti," "Barselona" va "Pari Sen-Jermen" kabi grand klublar qiziqish bildirayotgan edi.
Mashhur Transfermarkt portali mutaxassislari Magnes Akliushning narxini 40 mln yevroga baholamoqda. Futbolchining monakoliklar bilan shartnomasi 2028 yilning yarmigacha mo‘ljallangan.
Akliush joriy mavsumda "Monako" safida barcha musobaqalarda 43 ta o‘yinda 7 ta gol va 12 ta golli uzatmani o‘z hisobiga yozdirib qo‘ydi.













