"Монако" вингери Магнес Аклиуш "Ливерпуль" эътиборига тушиб қолди.
Англия гранди 23 ёшли футболчининг трансфери бўйича дастлабки музокараларни бошлади, деб хабар бермоқда журналист Лоик Танзи. Аввалроқ, франциялик футболчига "Манчестер Сити," "Барселона" ва "Пари Сен-Жермен" каби гранд клублар қизиқиш билдираётган эди.
Машҳур Transfermarkt портали мутахассислари Магнес Аклиушнинг нархини 40 млн еврога баҳоламоқда. Футболчининг монаколиклар билан шартномаси 2028 йилнинг ярмигача мўлжалланган.
Аклиуш жорий мавсумда "Монако" сафида барча мусобақаларда 43 та ўйинда 7 та гол ва 12 та голли узатмани ўз ҳисобига ёздириб қўйди.
