"Sanderlend" yarim himoyachisi Job Bellingem yana bir grand jamoa qiziqishlari doirasiga tushib qoldi.
Avvalroq futbolchi uchun APLning turli top-klublari da’vogarlik qilgan bo‘lsa, so‘nggi paytlarda Dortmundning "Borussiya" va Frankfurtning "Ayntraxt" klublari istiqbolli xavbek uchun kurashda favorit bo‘lib turibdi. Bild nashri tarqatgan xabarga ko‘ra, angliyalik futbolchini "Liverpul" ham o‘z safiga qo‘shib olmoqchi.
Job Bellingem 19 yoshda, uning narxi Transfermarkt portali tomonidan 22 mln yevroga baholanmoqda. 24 may, shanba kuni yosh futbolchi "qora mushuklar"ga Premyer-liga yo‘llanmasini qo‘lga kiritishda yordam berishi mumkin - pley-off finalida raqib "Sheffild Yunayted" bo‘ladi.













