Niderlandiyalik himoyachi Mikki Van de Ven nima uchun 37-raqamni tanlagani haqida gapirdi.

Van de Ven 2023 yilda "Tottenxem"ga o‘tgan, u avvalroq "Volfsburg"da o‘ynagan. Uning so‘zlariga ko‘ra, 37-raqamdan u og‘ir kasallik tufayli atigi 15 yoshida vafot etgan yaxshi do‘sti xotirasiga hurmat sifatida foydalanadi.

"Bu Dimitriyning raqami va voqea sodir bo‘lganda, bu mening raqamim bo‘lishi kerakligini tushundim," - deya niderlandiyalik futbolchining so‘zlarini keltiradi derbyderbyderby.it.

Eslatib o‘tamiz, Londonning "Tottenxem" klubi Yevropa Ligasi g‘olibiga aylandi. Bu klub tarixidagi uchinchi va 21-asrdagi birinchi yevrokubok hisoblanadi.