"Barselona" bosh murabbiyi Xans-Diter Flik klub bilan yangi shartnoma imzolaganidan keyingi taassurotlari bilan o‘rtoqlashdi.
Chorshanba kuni Kataloniya grandi germaniyalik murabbiy bilan yangi mehnat shartnomasi imzolanganini rasman e’lon qildi. Kelishuv 2027 yilning o‘rtalariga qadar mo‘ljallangan.
"Sayohatim davom etayotganidan xursandman. Hali tugatganimiz yo‘q. Bu jamoa katta salohiyatga ega, u bilan ishlashdan juda xursandman. Menga bu yerda, Barselonada yashash va ajoyib futbolchilar bilan buyuk klubda ishlash yoqadi. Bizning o‘zaro munosabatlarimiz juda yaxshi," - deya Flikning so‘zlarini keltiradi Barca Universal.
