"Барселона" бош мураббийи Ханс-Дитер Флик клуб билан янги шартнома имзолаганидан кейинги таассуротлари билан ўртоқлашди.
Чоршанба куни Каталония гранди германиялик мураббий билан янги меҳнат шартномаси имзоланганини расман эълон қилди. Келишув 2027 йилнинг ўрталарига қадар мўлжалланган.
"Саёҳатим давом этаётганидан хурсандман. Ҳали тугатганимиз йўқ. Бу жамоа катта салоҳиятга эга, у билан ишлашдан жуда хурсандман. Менга бу ерда, Барселонада яшаш ва ажойиб футболчилар билан буюк клубда ишлаш ёқади. Бизнинг ўзаро муносабатларимиз жуда яхши," - дея Фликнинг сўзларини келтиради Barca Universal.
