"Roma" bosh murabbiyi Klaudio Ranyeri "Torino"ga qarshi A Seriya 38-tur uchrashuvi oldidan hujumchi Artem Dovbikning holati haqida gapirdi.
"Dovbik fizioterapevtlar va shifokorlar rahbarligida mashg‘ulot o‘tkazdi. Ertaga hammasi yaxshi bo‘lsa, uni menga oxirgi mashg‘ulotga berishadi", - dedi Ranyeri.
25 may, yakshanba kuni “Roma” Italiya chempionatining so‘nggi turini “Torino”ga qarshi o‘tkazadi.
Ayni damda rimliklar 37 turdan buyon 66 ochko to‘plagan holda 5-o‘rinni egallab turibdi, to‘rtinchi o‘rindan farq 1 ochkoni tashkil qilmoqda.
Joriy mavsumda Artem 45 uchrashuvda 17 ta gol urdi va 3 ta golli uzatmani amalga oshirdi.
