"Рома" бош мураббийи Клаудио Раньери "Торино"га қарши А Серия 38-тур учрашуви олдидан ҳужумчи Артем Довбикнинг ҳолати ҳақида гапирди.

"Довбик физиотерапевтлар ва шифокорлар раҳбарлигида машғулот ўтказди. Эртага ҳаммаси яхши бўлса, уни менга охирги машғулотга беришади", - деди Раньери.

25 май, якшанба куни “Рома” Италия чемпионатининг сўнгги турини “Торино”га қарши ўтказади.

Айни дамда римликлар 37 турдан буён 66 очко тўплаган ҳолда 5-ўринни эгаллаб турибди, тўртинчи ўриндан фарқ 1 очкони ташкил қилмоқда.

Жорий мавсумда Артем 45 учрашувда 17 та гол урди ва 3 та голли узатмани амалга оширди.