Londonning "Chelsi" klubi darvozabonlar pozisiyasini kuchaytirishga harakat qilmoqda.
Joriy mavsumda Robert Sanches va Filip Yorgensen "ko‘klar" darvozasini himoya qildi. TEAMtalk xabariga ko‘ra, "Chelsi" "Parma"dan Zion Sudzuki va "Byornli"dan Jeyms Trafford transferini o‘rganmoqda. Ulardan biri londonliklarning yangi "birinchi raqamli"si bo‘lishi mumkin.
Suzuki "Transfermarkt" portali mutaxassislari tomonidan 14 mln yevroga baholanmoqda. Traffordning taxminiy narxi - 20 mln yevro. Har ikki darvozabon hozirda 22 yoshda.













