"Milan" Massimiliano Allegri bilan kelishuvga erishmoqchi.
Calciomercato nashri xabariga ko‘ra, so‘nggi soatlarda "rossonerilar" rahbariyati Tyago Mottaning mavjudligiga oydinlik kiritib, Allegrini taklif qilish bo‘yicha ishlarni kuchaytirgan. Maqsad - moliyaviy shartlarni kelishib olish va keyin 57 yoshli murabbiy va "Napoli" o‘rtasidagi muzokaralar qanday yakunlanishini ko‘rish.
Qayd etilishicha, Italiya chempionlari yiliga 6 million yevro evaziga ikki yillik shartnoma tuzishga Massimilianoning dastlabki roziligini olgan.
"Milan" 3,5 million yevro maosh va bonuslar bilan 3 yillik shartnoma taklif qilmoqda. Murabbiy 5 million va bonuslar so‘ramoqda.
Juma kuni hamma narsani hal qilish mumkinligi da’vo qilinadi. Allegri qarorni keyingi haftaga qoldirmoqchi emas va "Napoli"dan signallarni kutmoqda.
Milanliklar 57 yoshli mutaxassis bilan kelishuvga erisha olishlariga borgan sari ishonchlari ortib bormoqda. U "rossonerilar" bosh murabbiyi lavozimiga asosiy nomzodga aylandi. Voqealar rivoji ko‘p jihatdan Antonio Kontening "Napoli"ni tark etishiga bog‘liq.
