The Athletic nashri Angliya Premyer-ligasining barcha 20 klubi muxlislari o‘rtasida so‘rovnoma o‘tkazdi. Ular sevimli jamoasining o‘tgan mavsumdagi o‘yinidan qoniqish hosil qilishdimi yoki yo‘qmi degan savolga javob izladi.
"Kristal Pelas", "Nyukasl" va "Nottingem Forest" muxlislari mavsumdan eng ko‘p qoniqish hosil qilishdi. Ushbu uch klubning muxlislari soni 90 foizdan oshdi. "Kristal Pelas" klub tarixida ilk bor Angliya kubogini qo‘lga kiritdi, "Nyukasl" Chempionlar ligasiga yo‘l oldi, "Nottingem Forest" Yevropa musobaqalarida ishtirok etadi.
Mavsumdan eng ko‘p norozi bo‘lgan jamoalar quyi ligaga tushib ketgan "Lester" va "Sautgempton", shuningdek, mavsumda omadsiz o‘ynagan "Vest Xem" va "Manchester Yunayted" muxlislari bo‘ldi.













