Ispanlar 2001 yildan beri ilk bor yevrokuboklar finalida boshqa mamlakat jamoasiga mag‘lub bo‘lishdi.
Konferensiyalar ligasi finalida “Betis” “Chelsi”ga 1:4 hisobida imkoniyatni boy berdi.
Bu 2000/01 yilgi mavsumda “Bavariya” Chempionlar ligasi finalida “Valensiya”ni, “Liverpul” esa UEFA kubogi finalida “Alaves”ni mag‘lub etganidan so‘ng, Ispaniya jamoasining boshqa mamlakat klubiga yevrokubok finalida birinchi marta mag‘lub bo‘lishi edi.
O‘shandan beri ispan klublari boshqa liga jamoalariga qarshi yevrokuboklardagi hal qiluvchi 19 uchrashuvning barchasida g‘alaba qozonishgan.
