"Barselona" darvozaboni Mark-Andre ter Shtegen asosiy tarkibdan joy olish uchun kurashmoqda. Nemis futbolchisi ko‘p yillar davomida so‘zsiz birinchi raqamli kiper bo‘ldi, biroq o‘tgan yilning sentyabr oyida jiddiy jarohat oldi, shu sababli u maygacha maydonga tushmadi.
Sardorni almashtirish uchun Kataloniya grandi ajoyib o‘yin ko‘rsatgan Voysex Shesni bilan shartnoma imzoladi.
Bundan tashqari, klub "Espanyol" darvozaboni Joan Garsiyani sotib olish imkoniyatini jiddiy ko‘rib chiqmoqda.
CatalunyaRadio nashri ta’kidlaganidek, ko‘p yillar ichida birinchi marta Ter Shtegen "Barsa"ning asosiy tarkibidagi o‘rni xavf ostida qolganini his qila boshladi.
Yangi mavsumda Xans-Diter Flikning birinchi tanlovi kim bo‘lishi hozircha noma’lum. Agar mish-mishlarga ishonadigan bo‘lsak, Mark-Andre ter Shtegen uchun doimiy o‘yin vaqti kafolatlanmagan bo‘lsa, ketish haqida o‘ylashi mumkin.
