Vladislav Seytlin, Zokir Qodirov, Bobur Haydarov va Timur Galeevlar ishtirokida O‘zbekiston Birinchi ligasining uchinchi, to‘rtinchi va beshinchi turlaridagi o‘yinlarga bag‘ishlangan onlayn tahlil yig‘ilishi o‘tkazildi.
Zoom platformasida tashkil etilgan ushbu uchrashuvda Birinchi ligada faoliyat yuritayotgan bosh va yordamchi hakamlar qatnashdi.
Tahlil davomida uchrashuvlarda kuzatilgan muhim vaziyatlar ko‘rib chiqildi, qabul qilingan ijobiy hamda bahsli qarorlar atroflicha tahlil qilindi.
Instruktorlar tomonidan yosh hakamlarga amaliy tavsiyalar berilib, o‘yinlarda yagona yondashuvni shakllantirishga oid metodik tushunchalar yetkazildi.
