Владислав Цейтлин, Зокир Қодиров, Бобур Ҳайдаров ва Тимур Галеевлар иштирокида Ўзбекистон Биринчи лигасининг учинчи, тўртинчи ва бешинчи турларидаги ўйинларга бағишланган онлайн таҳлил йиғилиши ўтказилди.

Zoom платформасида ташкил этилган ушбу учрашувда Биринчи лигада фаолият юритаётган бош ва ёрдамчи ҳакамлар қатнашди.

Таҳлил давомида учрашувларда кузатилган муҳим вазиятлар кўриб чиқилди, қабул қилинган ижобий ҳамда баҳсли қарорлар атрофлича таҳлил қилинди.

Инструкторлар томонидан ёш ҳакамларга амалий тавсиялар берилиб, ўйинларда ягона ёндашувни шакллантиришга оид методик тушунчалар етказилди.