Xavyer Pastore Lionel Messini "PSJ"da muvaffaqiyatsizlikka uchragan deb hisoblamaydi.

Messi 2021 yildan 2023 yilgacha Parij klubida o‘ynagan.

"Muvaffaqiyatsizlik haqida ommaviy axborot vositalarida ko‘proq gapiriladi. Menimcha, klubdagilar ham, muxlislar ham shunday deb o‘ylamaydilar. Lionel Parijda aql bovar qilmaydigan statistikani ko‘rsatdi. Klubda dunyoning eng yaxshi o‘yinchisi bilan shartnoma imzolash imkoniyati bor edi. Menimcha, bu muvaffaqiyatsizlik emas, aksincha. Liga 1 va Fransiya uni o‘ynaganidan xursand edi.

Ochig‘i, ishlar u kutganidek bo‘lmadi, chunki u har doim g‘olib bo‘lgan va har yili uning maqsadi bo‘lgan Chempionlar ligasida g‘alaba qozonish imkoniga ega bo‘lmagan. Shu ma’noda, agar siz undan so‘rasangiz, u ambisiyalari nuqtai nazaridan muvaffaqiyatsiz bo‘lganini aytadi. Ammo aks holda, u o‘zgarishga muhtoj edi.

U "Barselona"da qola olmadi va unga o‘zi xohlagan sharoitlarni taklif qiladigan klub topdi. Bu tajriba bo‘ldi, lekin men buni muvaffaqiyatsizlik deb bilmayman. U ajoyib o‘yinlar o‘tkazdi, butun dunyo bo‘ylab odamlarni o‘zi va "PSJ" haqida gapirishga majbur qildi va jahon chempionatiga tayyorgarlik ko‘rish uchun yaxshi joy topdi" - dedi Pastore.