O‘zbekistonlik UFC jangchisi Ramazon Temirov tashkilot bilan yangilangan shartnoma imzoladi.
Bu haqda sportchining murabbiyi Jasur Alijonov Instagram'dagi sahifasi orqali xabar berdi.
Alijonovning ma’lum qilishicha, Ramazon Temirov UFC bilan yana 4 ta jang o‘tkazish bo‘yicha kelishuvga erishgan.
Ma’lumot uchun, ayni damda o‘ta yengil vazn toifasida UFC reytingida 13-o‘rinni egallab turgan Ramazon mazkur promoushenda hozirgacha 2 ta jang o‘tkazib, har ikkisida g‘alaba qozongan. U 27 iyul kuni Abu-Dabida qozog‘istonlik Asu Almabayev bilan bahs olib boradi.
