Kataloniyaning "Barselona" klubi xavbeki Mark Bernal og‘ir jarohatidan tiklangach, to‘p bilan individual mashg‘ulotlarni boshladi. Bu haqda Marca gazetasi xabar bermoqda.
Manbaning ta’kidlashicha, 18 yoshli futbolchining qachon safga qaytishi hozircha noma’lum. Shu bilan birga, futbolchi kelasi mavsum boshida maydonga tushishi mumkinligiga umid qilinmoqda.
O‘tgan mavsumda yarim himoyachi Ispaniya chempionatida uchta o‘yinda ishtirok etdi. "Rayo Valyekano"ga qarshi g‘alabali o‘yinda Bernal xoch bog‘lami va meniskdan jarohat oldi. Futbolchi operasiya qilindi va mavsum oxirigacha safdan chiqdi.
