"Barselona" va "PSJ" klublarida to‘p tepgan braziliyalik afsonaviy Ronaldinyo parijliklar bosh murabbiyi Luis Enrikeni Chempionlar ligasi finalida qo‘lga kiritilgan tarixiy g‘alaba bilan samimiy tabrikladi.
"Tabriklayman, Luis Enrike! Eng og‘ir sinovlarga ham bardoshli bo‘lish mumkinligini dunyoga ko‘rsatib berding. Aynan sening matonating bu yosh yigitlarning yetuk, yaxlit va ilhomlangan jamoaga aylanishiga yordam berdi. Sen shunchaki murabbiy emas, balki namunasan. Sening kasbga bo‘lgan sadoqating, ruhiyating, futbolga bo‘lgan hurmating har bir futbolchiga o‘tadi. Ulardan kimdir birinchi marta sevgan ishi bilan shug‘ullanib, chinakam baxtli bo‘lish nima ekanligini tushungan bo‘lishi mumkin. Bu namuna uchun rahmat. Sening hikoyang barchamizni kurashni davom ettirishga ilhomlantiradi," - deb yozdi braziliyalik ijtimoiy tarmoqda.
