"Барселона" ва "ПСЖ" клубларида тўп тепган бразилиялик афсонавий Роналдиньо парижликлар бош мураббийи Луис Энрикени Чемпионлар лигаси финалида қўлга киритилган тарихий ғалаба билан самимий табриклади.
"Табриклайман, Луис Энрике! Энг оғир синовларга ҳам бардошли бўлиш мумкинлигини дунёга кўрсатиб бердинг. Айнан сенинг матонатинг бу ёш йигитларнинг етук, яхлит ва илҳомланган жамоага айланишига ёрдам берди. Сен шунчаки мураббий эмас, балки намунасан. Сенинг касбга бўлган садоқатинг, руҳиятинг, футболга бўлган ҳурматинг ҳар бир футболчига ўтади. Улардан кимдир биринчи марта севган иши билан шуғулланиб, чинакам бахтли бўлиш нима эканлигини тушунган бўлиши мумкин. Бу намуна учун раҳмат. Сенинг ҳикоянг барчамизни курашни давом эттиришга илҳомлантиради," - деб ёзди бразилиялик ижтимоий тармоқда.
