Bugun Sport vaziri Adkham Ikramov huzurida 2028 yilda Los-Anjeles shahrida bo‘lib o‘tadigan yozgi Olimpiya va Paralimpiya o‘yinlariga O‘zbekiston sportchilarini kompleks tayyorlash bo‘yicha Prezident qarori loyihasi yuzasidan taqdimot o‘tkazildi.
Taqdimotda Milliy Olimpiya qo‘mitasi bosh kotibi Oybek Kasimov va MOQ raisining o‘rinbosari Sherzod Toshmatov, Sport vazirligi rahbariyati hamda tegishli tuzilmalar mas’ul xodimlari ishtirok etdi.
Mazkur Qaror loyihasida asosiy e’tibor so‘nggi yozgi Olimpiya va Paralimpiya o‘yinlarida qo‘lga kiritilgan natijalarni mustahkamlash va navbatdagi o‘yinlarda natijalarni yanada yaxshilashga qaratilmoqda.
Shuningdek, Qaror loyihasiga muvofiq O‘zbekiston sportchilarini Olimpiya va Paralimpiya o‘yinlariga tayyorlashning ustuvor vazifalari muhokoma qilinib, ushbu masalalar yuzasidan Davlatimiz rahbari huzurida o‘tkaziladigan taqdimotga puxta tayyorgarlik ko‘rish bo‘yicha mas’ullarga tegishli topshiriqlar berildi.
