Mashhur sobiq futbolchi Martin Kioun "Manchester Yunayted" haqida fikr bildirdi. "Arsenal"ning sobiq futbolchisi hozirgi jamoa bosh murabbiyi Ruben Amorimga shubha qilmoqda.
"Mag‘lubiyatlar soniga ko‘ra, "Manchester Yunayted"da to‘g‘ri murabbiy borligiga shubha qilaman. Ular Yurgen Kloppni taklif qilishlari mumkin. Men sensasiya yaratmoqchi emasman, lekin u yerda aql bovar qilmaydigan ishni bajara oladi deb o‘ylayman. Ularga hozirgi murabbiydan ko‘ra tajribaliroq odam kerak" - dedi Kioun.
Aytish joizki, Yurgen Klopp “Liverpul”ni tark etgach, kelajakda Angliyaning boshqa jamoasini boshqarish variantidan voz kechdi.
