Saudiyaning “Al-Hilol” klubi markaziy hujumchisi Aleksandr Mitrovich Tumanli Albionga qaytishi mumkin. Bu haqda Talksport portali jurnalistlari xabar bermoqda.
Manbaning xabariga ko‘ra, serbiyalik hujumchini "Manchester Yunayted" o‘z safiga qo‘shib olmoqchi. 30 yoshli forvardning transfer narxi 18 million yevro bo‘lib, uning jamoasi bilan tuzilgan mehnat shartnomasi 2026 yilning iyun oyi oxirigacha mo‘ljallangan.
2024/2025 yilgi mavsumda Mitrovich 23 ta o‘yinda ishtirok etgan. Aleksandr 20 ta gol va ikkita golli uzatmani amalga oshirdi.
