Bir necha kun oldin hujumchi Edin Jeko "Fenerbaxche"ni tark etishini ma’lum qilgandi.
Bosniyalik tajribali futbolchi faoliyatini Italiyada davom ettirishi kutilmoqda.
Turkiyaning Sozca gazetasi xabariga ko‘ra, Jeko "Komo" bilan kelishuvga erishgan. Qayd etilishicha, chorshanba kuni 39 yoshli Jeko "Komo" bilan shartnoma imzolash uchun Bosniya va Gersegovina terma jamoasini qisqa muddatga tark etadi.
Mehnat shartnomasi bir mavsumga tuziladi. Manba, shuningdek, Edin Jeko "Komo" bilan kelishuvga erishishdan oldin "Istanbul Bashakshexir"dagi variantni rad etganini yozadi.













