Бир неча кун олдин ҳужумчи Эдин Жеко "Фенербахче"ни тарк этишини маълум қилганди.
Босниялик тажрибали футболчи фаолиятини Италияда давом эттириши кутилмоқда.
Туркиянинг Sozca газетаси хабарига кўра, Жеко "Комо" билан келишувга эришган. Қайд этилишича, чоршанба куни 39 ёшли Жеко "Комо" билан шартнома имзолаш учун Босния ва Герцеговина терма жамоасини қисқа муддатга тарк этади.
Меҳнат шартномаси бир мавсумга тузилади. Манба, шунингдек, Эдин Жеко "Комо" билан келишувга эришишдан олдин "Истанбул Башакшехир"даги вариантни рад этганини ёзади.













