"Jahon chempionati yo‘llanmasi uchun kurash bu mamlakatimizning barcha muxlislar kutayotgan voqelik. Barcha shu orzu yo‘lida bir tanu-jon bo‘layotganini sezyapmiz.
Hatto translyasiyalar yo‘nalishidagi raqobat ham chetga surilib MTRK Sport hamda ZÓR TV kuchlarni birlashtirib, muxlislar uchun unutilmas efir taqdim etish niyatidalar.
Dastavval Xayrulla Hamidov va men (Davron Fayziyev) ikkimiz ikki xil kanalda bo‘linib sharhlashimiz kerak edi. Lekin, “O‘zbekiston – iste’dodlar zamini” yoshlar harakati (Uzbekistan: Land of Talents) tashabbuskorlari bilan birgalikda futbolimizning 34 yillik tarixida eng muhim uchrashuv efirini kollabrasiya qilish g‘oyasini ilgari surdik. Ikkala telekanal va davlatning yuqori martabali mas’ullari qo‘llab-quvvatladi, bu uchun minnatdormiz.
Men jamoa bilan Abu Dabida yig‘indaman, Xayrulla aka bugun yetib keldilar. Sharhlovchilar kabinkasi tayyor. Nasib qilsa, o‘z yo‘nalishimizda biz ham terma jamoamiz bilan yelkama-elka turib jangga kirishamiz. Bilaman, siz ham yonimizda turasiz", — deya yozdi Davron Fayziyev o‘zining telegramdagi kanali orqali.













