Xabaringiz bor, O‘zbekiston milliy terma jamoamiz Jahon chempionati saralash guruh bosqichining 9-turida Birlashgan Arab Amirligi bilan kuch sinashadi. Ushbu bellashuvdan avval matbuot anjumanida terma jamoamiz bosh murabbiyi Temur Kapadze ishtirok etib, bo‘lajak bellashuvdan avval o‘z fikrlari bilan o‘rtoqlashdi.

— Assalomu Alaykum barchaga, biz ertangi uchrashuvga to‘liq tayyormiz. Albatta, bu yerda sizlarni ko‘rganimizdan anchagina xursandmiz".
 
— Katta o‘yinlardan oldin raqibni o‘rganish muhim. O‘zgargan murabbiy haqida fikringiz qanday?
 — Albatta, o‘rganib chiqishga harakat qildik, tayyorgarlik ham yaxshi bo‘ldi. Yangi murabbiy ancha tajribali, Biz asosan o‘zimizning o‘yinimizga e’tibor qaratamiz. O‘ylaymanki, biz o‘z o‘yinimizni ko‘rsata olsak, maqsadimizga erishamiz.
 
— Muhim o‘yin oldidan fikringiz qanday?
— Hamma narsa o‘zimizni qo‘limizda. Ertaga g‘alaba qozonishga harakat qilamiz va navbatdagi o‘yinga tayyorgarlik ko‘rishni davom ettiramiz. Futbolchilarim esa har bir to‘qnashuvda yaxshi harakat qilishdi. Eng asosiysi shuki, barchasi o‘z qo‘limizda. Bundan esa xursandmiz. 2 ta uchrashuvimiz bo‘lsa, ertangisi eng muhimi hisoblanadi. Albatta, bo‘lajak uchrashuvda g‘alaba qozonishga harakat qilamiz, keyin esa Qatarga qarshi o‘yin uchun tayyorgarliknmi boshlaymiz. Shu bilan birga, barcha futbolchilarimning sog‘lig‘i joyida" - deya ta’rif berib terma jamoamiz bosh murabbiyi.