Hujumchi Liam Delap "Ipsvich"ni tark etib, “Chelsi”ga o‘tdi. “Ko‘klar” bu transferni rasmiy saytida tasdiqladi. 22 yoshli futbolchi London grandi bilan 2031 yilgacha mo‘ljallangan shartnoma imzoladi.
Insayder Fabrisio Romanoning so‘zlariga ko‘ra, ingliz futbolchisining transferi “Chelsi”ga 30 million funt sterlingga (taxminan 35,6 million yevro) tushgan.
Liam Delap "Ipsvich"da bor-yo‘g‘i bir mavsum o‘tkazdi. O‘tgan yilning iyul oyida uni "Manchester Siti"dan deyarli 18 million yevroga sotib olishdi. Hujumchi “traktorchilar” safida barcha musobaqalarda 40 ta o‘yin o‘tkazib, 12 ta gol urdi va 2 ta golli uzatmani amalga oshirdi.
