Fransiya terma jamoasi bosh murabbiyi Didye Desham Millatlar ligasining Ispaniyaga qarshi yarim final uchrashuvi oldidan Lamin Yamal haqida gapirdi.
Uchrashuv arafasida Deshamga “Barselona” va Ispaniya terma jamoasining barcha raqiblari uchun an’anaviy bo‘lib qolgan “Yamalni qanday to‘xtatish kerak?” degan savol berildi.
"Menimcha, u ko‘plab jamoalarga qarshi o‘ynagan bo‘lsa-da, uni to‘liq zararsizlantirish yo‘lini hech kim topa olmadi. U istalgan daqiqada o‘yin kursini o‘zgartirishi mumkin", - dedi "uch ranglilar" ustozi.
Qarama-qarshilik g‘olibi chorshanba kuni Germaniyani mag‘lub etgan (2:1) Portugaliya terma jamoasiga qarshi finalda o‘ynaydi.













