Франция терма жамоаси бош мураббийи Дидье Дешам Миллатлар лигасининг Испанияга қарши ярим финал учрашуви олдидан Ламин Ямал ҳақида гапирди.
Учрашув арафасида Дешамга “Барселона” ва Испания терма жамоасининг барча рақиблари учун анъанавий бўлиб қолган “Ямални қандай тўхтатиш керак?” деган савол берилди.
"Менимча, у кўплаб жамоаларга қарши ўйнаган бўлса-да, уни тўлиқ зарарсизлантириш йўлини ҳеч ким топа олмади. У исталган дақиқада ўйин курсини ўзгартириши мумкин", - деди "уч ранглилар" устози.
Қарама-қаршилик ғолиби чоршанба куни Германияни мағлуб этган (2:1) Португалия терма жамоасига қарши финалда ўйнайди.
