Germaniya terma jamoasining sobiq futbolchisi Jerom Boateng Antonio Ryudigerni himoya qildi.
Madridning “Real” klubi markaziy himoyachisi jarohati sabab iyun oyidagi yig‘inni o‘tkazib yuboradi.
Aprel oyida "Barselona"ga qarshi o‘yindagi voqeadan so‘ng, Germaniyada ko‘pchilik Ryudigerni umrbod terma jamoadan chetlatishni talab qilishdi.
Nemislarning ko‘pchiligi futbolchini terma jamoa safida ko‘rishni istamaydi. Chorshanba kuni Germaniya Millatlar ligasi yarim finalida Portugaliyaga 1:2 hisobida mag‘lub bo‘ldi, shundan so‘ng Boateng "Real Madrid" yulduzini qoralovchilarga: "Biz Ryudigersiz ham kuchlimiz, shunday emasmi?" - deya istehzo qildi.













