Trevo Chaloba Antonio Konte jamoasi safiga qo‘shilishi mumkin.
The Telegraph nashri xabariga ko‘ra, "Napoli" Italiyada ham, xalqaro maydonda ham yaxshi o‘yin ko‘rsata oladigan jamoa yig‘moqchi va partenopiyaliklar bosh murabbiyi "Chelsi" orqali tanish bo‘lgan himoyachini o‘z safiga qo‘shib olmoqchi. A Seriya g‘oliblari 25 yoshli futbolchining transfer imkoniyatlarini o‘rganmoqda.
Londonliklar Chalobadan mamnun, ammo keyingi mavsumda unga o‘yin amaliyoti kafolatlay olmaydi. Agar "Chelsi" yaxshi taklif olsa va Trevoning o‘zi JCH-2026 oldidan muntazam o‘yin amaliyoti uchun ketishni istasa, "Napoli" (yoki boshqa klub) bilan bitim tuzilishi mumkin.
O‘tgan mavsumning birinchi yarmini Chaloba "Kristal Pelas"da o‘tkazdi, qishda esa "Chelsi"ga qaytdi.
