Portugaliya terma jamoasi va "Milan" vingeri Rafael Leau Kataloniyaning "Barselona" klubi qiziqishlari doirasida. Bu haqda Sport.es jurnalistlari xabar bermoqda.
Manbaning yozishicha, Italiya top-klubi rahbariyati 25 yoshli portugaliyalik bilan 70 million yevro evaziga xayrlashishga tayyor. "Ko‘k-anorranglilar"ning Leau uchun kurashdagi raqibi Yevropaning boshqa bir grandi - Myunxenning "Bavariya" klubi hisoblanadi.
Vingerning "rossonerilar" bilan shartnomasi 2028 yilning yarmigacha mo‘ljallangan. O‘tgan mavsumda Leau "Milan" safida 50 ta bahsda maydonga tushib, 12 ta gol urgan va 13 ta golga hammualliflik qilgan. Transfermarkt portali uning narxini 75 million yevroga baholamoqda.













