Португалия терма жамоаси ва "Милан" вингери Рафаэль Леау Каталониянинг "Барселона" клуби қизиқишлари доирасида. Бу ҳақда Sport.es журналистлари хабар бермоқда.
Манбанинг ёзишича, Италия топ-клуби раҳбарияти 25 ёшли португалиялик билан 70 миллион евро эвазига хайрлашишга тайёр. "Кўк-анорранглилар"нинг Леау учун курашдаги рақиби Европанинг бошқа бир гранди - Мюнхеннинг "Бавария" клуби ҳисобланади.
Вингернинг "россонерилар" билан шартномаси 2028 йилнинг ярмигача мўлжалланган. Ўтган мавсумда Леау "Милан" сафида 50 та баҳсда майдонга тушиб, 12 та гол урган ва 13 та голга ҳаммуаллифлик қилган. Transfermarkt портали унинг нархини 75 миллион еврога баҳоламоқда.
