Krishtianu Ronaldu Portugaliya terma jamoasining Millatlar ligasi finali doirasidagi Ispaniyaga qarshi o‘yini oldidan o‘z fikrlarini bildirib o‘tdi. 40 yoshli futbolchining so‘zlariga ko‘ra, jamoa muvaffaqiyatga erishishiga ishonmoqda.
"Biz hammamiz o‘zimizni optimistik, ishonchli his qilmoqdamiz. Ajoyib jamoa bilan o‘ynaymiz, ehtimol, dunyodagi eng zo‘r jamoa bilan. Ammo so‘nggi o‘yinda qilgan ishlarimizdan keyin o‘zimizga ishonamiz. Umid qilamanki, biz yuqorida bo‘lamiz va g‘alaba qozonamiz, chunki finalning tabiati shunday. Biz xotirjammiz va bizda hammasi amalga oshishiga ishonamiz," - dedi Ronaldu jurnalistlarga.
Eslatib o‘tamiz, Millatlar Ligasi yarim finalida Portugaliya Germaniya ustidan irodali g‘alabaga erishdi (2:1).
