Криштиану Роналду Португалия терма жамоасининг Миллатлар лигаси финали доирасидаги Испанияга қарши ўйини олдидан ўз фикрларини билдириб ўтди. 40 ёшли футболчининг сўзларига кўра, жамоа муваффақиятга эришишига ишонмоқда.

"Биз ҳаммамиз ўзимизни оптимистик, ишончли ҳис қилмоқдамиз. Ажойиб жамоа билан ўйнаймиз, эҳтимол, дунёдаги энг зўр жамоа билан. Аммо сўнгги ўйинда қилган ишларимиздан кейин ўзимизга ишонамиз. Умид қиламанки, биз юқорида бўламиз ва ғалаба қозонамиз, чунки финалнинг табиати шундай. Биз хотиржаммиз ва бизда ҳаммаси амалга ошишига ишонамиз," - деди Роналду журналистларга.

Эслатиб ўтамиз, Миллатлар Лигаси ярим финалида Португалия Германия устидан иродали ғалабага эришди (2:1).