"Milan" yarim himoyachisi Tidjani Reynders "Manchester Siti"ga o‘tishga yaqin turibdi, deya xabar bermoqda jurnalist Nikolo Skira.

Manbaga ko‘ra, 26 yoshli niderlandiyalik ingliz klubiga 55 million yevro va 15 million bonusga tushadi. Futbolchi bilan shartnoma 2030 yilgacha mo‘ljallangan bo‘lib, unga ko‘ra futbolchi yiliga 8 million yevro maosh oladi.

O‘tgan mavsumda Reynders 54 ta o‘yinda maydonga tushib, 15 ta gol urdi va 5 ta golli uzatmani amalga oshirdi. Transfermarkt portali futbolchining narxini 50 million yevroga baholamoqda.