Leroy Sane haligacha "Bavariya"ning yangi shartnoma taklifiga javob bermadi.
Vaqt o‘tib bormoqda va atigi uch hafta ichida vinger erkin agentga aylanishi mumkin.
Shu fonda Myunxen klubi Sanega vaqtinchalik yechim taklif qildi - shartnomani klublar o‘rtasidagi jahon chempionati oxirigacha (iyul oyi o‘rtalarigacha) uzaytirish.
Bu haqda Bild nashri xabar bermoqda. Qayd etilishicha, "Bavariya" 29 yoshli Sanedan aniqlik talab qilmoqda.
Shu bilan birga, futbolchi boshqa variantlarni, xususan, erkin agent sifatida «Arsenal»ga o‘tish variantini ham ko‘rib chiqadi.
