Лерой Сане ҳалигача "Бавария"нинг янги шартнома таклифига жавоб бермади.
Вақт ўтиб бормоқда ва атиги уч ҳафта ичида вингер эркин агентга айланиши мумкин.
Шу фонда Мюнхен клуби Санега вақтинчалик ечим таклиф қилди - шартномани клублар ўртасидаги жаҳон чемпионати охиригача (июль ойи ўрталаригача) узайтириш.
Бу ҳақда Bild нашри хабар бермоқда. Қайд этилишича, "Бавария" 29 ёшли Санедан аниқлик талаб қилмоқда.
Шу билан бирга, футболчи бошқа вариантларни, хусусан, эркин агент сифатида «Арсенал»га ўтиш вариантини ҳам кўриб чиқади.
