Italiyalik mashhur sobiq hujumchi Kristian Vyeri Simone Indzagining "Inter"ni tark etishga qaror qilgani haqida gapirdi.

Murabbiy Chempionlar Ligasi finalida "PSJ"ga (0:5) uchralgan mag‘lubiyatdan bir necha kun o‘tib "neradzurrilar" bilan xayrlashdi. Ko‘p o‘tmay, italiyalik mutaxassis tayinlanganini Saudiya Arabistonining "Al-Hilol" klubi e’lon qildi.

"Menimcha, Indzagi 0:5 hisobidagi mag‘lubiyat tufayli "Inter"ni tark etdi. Nazarimda, bungacha u ketmoqchi emasdi. Taxminimcha, o‘sha o‘yindan keyin u shunchaki kuchim qolmadi, degan qarorga kelgan. 0:1, 0:2 yoki 1:2 hisobida yutqazish bir narsa, bu normal, ammo 0:5 juda og‘ir zarba. Bu muvaffaqiyatsizlik Simonening bor kuchini olib qo‘ygan bo‘lishi mumkin", - deya Vyerining so‘zlarini keltiradi Football Italia.