Италиялик машҳур собиқ ҳужумчи Кристиан Вьери Симоне Индзагининг "Интер"ни тарк этишга қарор қилгани ҳақида гапирди.

Мураббий Чемпионлар Лигаси финалида "ПСЖ"га (0:5) учралган мағлубиятдан бир неча кун ўтиб "нерадзуррилар" билан хайрлашди. Кўп ўтмай, италиялик мутахассис тайинланганини Саудия Арабистонининг "Ал-Ҳилол" клуби эълон қилди.

"Менимча, Индзаги 0:5 ҳисобидаги мағлубият туфайли "Интер"ни тарк этди. Назаримда, бунгача у кетмоқчи эмасди. Тахминимча, ўша ўйиндан кейин у шунчаки кучим қолмади, деган қарорга келган. 0:1, 0:2 ёки 1:2 ҳисобида ютқазиш бир нарса, бу нормал, аммо 0:5 жуда оғир зарба. Бу муваффақиятсизлик Симоненинг бор кучини олиб қўйган бўлиши мумкин", - дея Вьерининг сўзларини келтиради Football Italia.