"River Pleyt" yarim himoyachisi Franko Mastantuono "Real"ga 41 mln yevroga tushadi. Avvaliga "qaymoqranglilar" yangi yulduzning transferi uchun 45 mln yevro to‘lashi taxmin qilingandi, ammo La Liga grandi chegirmaga erishishga muvaffaq bo‘ldi. Marca xabariga ko‘ra, "River Pleyt" 4 mln kamroq tovon puli oladi, chunki "Real" argentinaliklarga futbolchini bo‘lajak klublar o‘rtasidagi jahon chempionatida o‘ynashiga ruxsat bergan.
Franko Mastantuono KO‘JCHda "River Pleyt" safida to‘p tepadi, "Real" safini esa avgust oyida, 18 yoshga to‘lganida to‘ldiradi.
Avvalroq, Xabi Alonso hujumkor xavbekni klublar o‘rtasidagi jahon chempionatida o‘z jamoasida ko‘rishni istayotgani haqida xabarlar tarqalgan edi.













