Myunxenning "Bavariya" klubi o‘z himoyachisi Sasha Boeni Turkiyaning "Galatasaroy" klubiga ijaraga berishi mumkin. Jurnalist Florian Plettenberg bergan ma’lumotga ko‘ra, fransuz Turkiyaga ko‘chib o‘tishga qarshi emas.

Eslatib o‘tamiz, Boe 2024 yilning yanvarida aynan "Galatasaroy"dan "Bavariya"ga o‘tgan, ammo jarohati tufayli Myunxen klubida o‘z o‘rnini topa olmagan edi. Murabbiy Vensan Kompani Sashani o‘z jamoasida ko‘rmayapti, shuning uchun rahbariyat fransuz bilan xayrlashishga tayyor.

Boe avvalroq "Lion"ga o‘tish variantiga ega edi, ammo "Galatasaroy" futbolchini Turkiyaga qaytara olishiga ishonmoqda. 24 yoshli fullbek Bundesliganing so‘nggi mavsumida atigi 13 ta o‘yinda maydonga tushib, 2 ta golga assistentlik qildi.